कपिलवस्तु जेठ ५ गतेसम्म सिल गर्ने निर्णय

  Sampatti News

May 11, 2020

काठमाडौँ । संक्रमितको संख्या एपछि अर्काे थपिदै गएपछि कपिलवस्तु सिल गर्ने निर्णय भएको छ । संक्रमितको संख्या बढ्दैगएपछि जिल्ला सुरक्षा समितिले कपिलवस्तु जिल्ला जेठ ५ गतेसम्म सिल गर्ने निर्णय गरेको हो ।

प्रमुख जिल्ला अधिकारी दीर्घनारायण पौडेलले सोमबार साँझ ५ बजेदेखि सिल गर्ने निर्णय गरिएको जानकारी गराए ।
पौडेलका अनुसार जिल्लामा कोरोना संक्रतिमहरुको संख्या बढ्दै गएको र भारतबाट लुकिछिपि आउने संख्या बढेसँगै जिल्ला सिल गरिएको हो । जिल्लाको सीमावर्ती क्षेत्रमा २१ सय जना बसिरहेको उनले बताए ।

‘२१ सय जना दशगजामा टेन्ट र स्कुलमा बसिरहेका छन्, जसमध्ये ९५ प्रतिशत कपिलवस्तुका र बाँकी अर्घाखाँची, प्युठान, गुल्मी, दाङका मानिस छन् उनले भने ।

जिल्लामा सोमबार मात्रै १० जना कोरोना संक्रमित भेटिएका थिए भने कुल १५ जनामा कोरोना पुष्टि भइसकेको छ । त्यस्तै, नमूना संकलन भइसकेका र रिपोर्ट आउन बाँकी २६३ जना रहेका छन् ।

प्रकाशित मिति:May 11, 2020