बुधबार थप ६२९ जनामा कोरोना पुष्टि, संक्रमितको संख्या १० हजार ७ सय २८ पुग्यो

काठमाडौँ । अद्यावधिक विवरणअनुसार नेपालमा थप ५ सय २९ जनामा कोरोना संक्रमण देखिएको छ ।

योसँगै नेपालमा कोरोना संक्रमितको संख्या १० हजार ७२८ जना पुगेको छ ।

बुधबारको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले नेपालमा थप ५ सय २९ जनामा कोरोना संक्रमण देखिएको पुष्टि गरेका हुन् ।

त्यस्तै २४ घण्टायता डिस्चार्ज हुनेको संख्या १ सय १४ रहेको छ । योसँगै नेपालमा कोरोना भाइरस संक्रमण निको भएर घर फर्किनेको संख्या २ हजार ३ सय ३८ जना पुगेको छ ।