पन्ध्र सीरिया शरणार्थीको मृत्यु

सीरियाबाट भागेर लेबनान छिर्ने क्रममा सीरिया र लेबनान बिचको पाहाडी सीमामा हिउमा पुरिएर पन्ध्र सीरिया शरणार्थीहरुको मृत्यु भएको छ । मृत्यु हुने सीरिया शरणार्थीहरु मध्य १३ जनाको लास शुक्रबार र अन्य दुइको शनिबार भेटिएको छ।

खोजतलासको क्रममा लेबनानको सुरक्षा अधिकारीहरूले  सीरिया शरणार्थीहरुलाई सिमाना पार गर्न सहयोग गर्ने २ जना तस्करहरूलाई पक्राउ गरेको छ । अत्यन्तै जोखिम मार्ग रहेको उक्त सिमाना पार गर्ने धेरै शरणार्थिलाई उद्धार गरिएको त्यहाका सुरक्षा अधिकारीहरूले जानकारी दिएका छन्।

लेबनानमा २०११ पछि मात्रै १० लाख सीरिया शरणार्थीहरु भित्रिएका छन्।