ऊर्जा, जलस्रोत तथा सिँचाइ मन्त्रालयका सहसचिव दिनेशकुमार घिमिरे सचिवमा बढुवा

  iceberg@gorkhafm

December 25, 2018

काठमाडौं–  हिजो सोमबार बसेको मन्त्रिपरिषद बैठकले  ऊर्जा, जलस्रोत तथा सिँचाइ मन्त्रालय नीति महाशाखाका सहसचिव दिनेशकुमार घिमिरेलाइ सचिवमा बढुवा गरेको छ ।

२०५२ साल जेठ १४ गते जलस्रोत मन्त्रालयमा इन्जिनियर पदबाट सेवा प्रवेश गरेका घिमिरे विगत ३ वर्ष देखि जलस्रोत तथा सिचाइ मन्त्रालय नीति महाशाखाको जिम्मेवारी सम्हाल्दै आएका थिए ।

सचिवमा बढुवा भएपछि उनलाई सोही मन्त्रालयमा पदस्थापन गरिएको भनिएतापनि उनले अहिले सम्म पदस्थापनको पत्र भने पाइसकेका छैनन् ।

घिमिरेले सेवा प्रवेश गरे लगत्तै शुरुमा सुनसरी-मोरङ सिचाइ आयोजना अन्तर्गत चतरा जलविद्युत केन्द्रमा करिब ४ वर्ष जिम्मेवारी सम्हालेका थिए ।

यसैबीच उनि भारतको रुड्की विश्वविद्यालयमा स्नातकोत्तरतहको अध्ययन पुरा गर्न त्यसतर्फ लागे । उनि २०५९ मा अध्ययन पूरा गरि फर्केपछी ७ वर्ष मन्त्रालयमै काम गरे र २०६१ सालमा उनी राजपत्रांकित द्वित्तीय श्रेणी अर्थात् उपसचिव (सिनियर डिभिजनल इन्जिनियर) मा बढुवा पनि भए ।

योसँगै घिमिरे २०६६ सालमा सुपरिटेन्डेन्ड इन्जिनियर अर्थात् सहसचिवमा बढुवा भएका थिए । उनले विद्युत विकास विभागमा करिब ६ वर्ष काम गरि लगभग १५ महिना महानिर्देशकको जिम्मेवारी पनि सम्हालेका थिए ।

ऊर्जा तथा जलविद्युतका नीतिगत विषयमा गहिरो दख्खल भएका घिमिरे पछिल्लो समय मन्त्रालयबाट हुने कार्यसम्पादनमा विशेष भूमिका निर्वाह गर्दै आएका छन् ।

प्रकाशित मिति:December 25, 2018