आगलागीबाट धनमाल नष्ट

काठमाडौं , झापा, बिर्तामोड नगरपालिका–५ भद्रपुर रोडस्थित बिकास अग्रवालको ईलेक्ट्रोनिक्स पसलको स्टोरमा बिजुलीको तार सर्ट भई आइतबार बिहान आगलागी हुँदा पसल भित्र रहेको वाल घडी, पंखा र ईलेक्ट्रिक बल लगायतका सामानहरु जलेर करिब ५० लाख रुपैयाँ मूल्य बराबरको धनमाल नष्ट भएको छ ।
त्यस्तै डोल्पा, ठुलिभेरी नगरपालिका–३ दुनै राजाचोक बस्ने लोकेन्द्र कार्कीको फेन्सी र कस्मेटिक पसलमा विजुलीको तार सर्ट भई आइतबार बिहान आगलागी हुँदा पसलमा रहेको सम्पुर्ण सामान जलेर करिब ३ लाख रुपैयाँ बराबरको धनमाल नष्ट भएको छ । धनुषा, मिथिला बिहारी नगरपालिका–१ भुतहीपटेर्वा बस्ने श्रवण यादवको कुखुरा खोरमा बिजुलीको सर्ट भई शनिबार बिहान आगलागी हुँदा करिब १ हजार कुखुरा तथा बिभिन्न सामान जलेर करिब ६ रुपैयाँ बराबरको धनमाल नष्ट भएको छ ।
स्थानीयवासी र दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले थप अनुसन्धान गरिरहेको छ ।