January 27, 2021
काठमाडौं । मुलुकमा आजबाट कोरोना भाइरसविरुद्धको खोप सुचारु गरिदैँ छ । पहिलो चरणमा कोरोनाविरुद्धको अभियानमा अग्रपंक्तिमा खटिँदै आएका स्वास्थ्यकर्मी, सुरक्षाकर्मी र सफाइकर्मीलगायतलाई दिइने कोरोना खोप दिइने स्वास्थ्य मन्त्रालयले जनाएको छ ।
केहीबेर पछि अर्थात १० बजे प्रधानमन्त्री केपी शर्मा ओलीले बालुवाटारबाट भर्चुअल रुपमा एकैपटक काठमाडौंका ११ अस्पतालमा खोप अभियानको शुभारम्भ गरिने छ ।
आजबाट शुरुवात हुने पहिलो चरणको खोप शुक्रराज ट्रपिकल तथा सरुवा रोग अस्पताल टेकु, वीर अस्पताल, आयुर्वेद अनुसन्धान तथा तालिम केन्द्र अस्पताल कीर्तिपुर, पाटन अस्पताल, परोपकार प्रसूति तथा स्त्री रोग अस्पताल थापाथली, त्रिवि शिक्षण अस्पताल महाराजगञ्ज, भक्तपुर अस्पताल, शहीद धर्मभक्त अंग प्रत्यारोपण केन्द्र भक्तपुर, काठमाडौं मेडिकल कलेज जोरपाटी, सशस्त्र प्रहरी अस्पताल बलम्बु, शहीद गंगालाल अस्पताल बाँसबारीका स्वास्थ्यकर्मीले लगाउनेछन् ।
शुक्रराजस्थित टेकु अस्पतालका निर्देशक डा। सागर राजभण्डारीले टेकु अस्पतालको तर्फबाट पहिलो खोप लगाउने बताउनुभएको छ । राजभण्डारीले कोरोनाविरुद्धको खोप सुरक्षित छ भन्ने सन्देश दिन सबैभन्दा पहिले आफैंले खोप लगाउन लागेको जानकारी दिए ।
प्रकाशित मिति:January 27, 2021