ओम डेन्टलको सक्रियतामा वृहत रक्तदान कार्यक्रम सम्पन्न

काठमाडौँ । रगतको अभाव न्युनीकरण गर्न ओम समाज डेन्टल हस्पिटलमा वृहत रक्तदान कार्यक्रम सम्पन्न भएको छ । कोरोना भाइरसले विश्वभर महामारिको रुप लिएको अवस्थामा ब्लड बैंक, (रक्त सञ्चार केन्द्रमा) रगतको अभाव देखिन थालेपछि ओम समाज डेन्टल हस्पिटल तथा लायेन्स क्लब अफ इन्द्र अन्नपूर्ण योगा को सक्रियतामा तथा नेपाल रेडक्रस सोसाइटी को प्राविधिक सहयोगमा ओम समाज डेन्टल हस्पिटल चाबहिल प्रागणमा रक्तदान सम्पन्न गरिएको हो ।

ओम समाज डेन्टल हस्पिटलका अध्यक्ष डा.सुबास घिमिरेले कोरोना भाइरसको सङ्क्रमणबाट विश्व नै आतंकित भइरहेको अवस्थामा रगत सङ्कलन समस्यालाइ ध्यानमा राखी गरिएको यो कार्यक्रममा आफ्नो अमूल्य रगत दान गर्ने स्वयंसेवी रक्तदाता लगायत अन्य सहयोगी महानुभावहरूलाई धन्यवाद दिदै भविष्यमा समेत यस्तै सहयोगको अपेक्षा राखेको बताए ।