November 21, 2018
यहि माघ महिनाको ११ गते देखि सुरु भएको क्यान इन्फोटेक २०१८ प्रदर्शनीमा करीब ४ लाखले अवलोकन गरेको क्यान महासंघले एक विज्ञप्ति जारि गरि जानकारी दिएको छ । ६ दिन सम्म चलेको मेला हिजो मंगलबार समापन भएको छ । हिजो अन्तिम दिन ९४ हजार जनाले मेला अवलोकन गरेका छन् ।
मंगलबार सरकारका मन्त्रि, नेता, ब्यापारी, कलाकारहरुको बाक्लो उपस्थिति रहेको थियो । नेपाली उत्पादनलाई प्राथमिकता दिने हिसाबले गरिएको यसपालीको प्रदर्शनीमा स्वदेशी प्रविधिका लागि छुट्टै स्टल राखिएको थियो।
१ सय ५० भन्दा धेरै कम्पनीहरुको सहभागिता रहेको यस मेलामा २२० वटा स्टल रहेका थिए । अवलोकन कर्ताले मेलामा ल्यापटप, मोबाइल, टिभी, क्यामेरा, प्रिन्टर, प्रोजेक्टर, बारकोड स्क्यानर, इन्टरनेट सेवा प्रदायक ,ड्रोन आदि जस्ता प्रबिधिहरुको स्टलहरु अवलोकन गरेका थिए।
प्रकाशित मिति:November 21, 2018
