सुनको मूल्य फेरि बढ्यो

काठमाडौं । केही दिनदेखि ओरालो लागेको सुनको भाउ फेरि बढेको छ । सोमबार छापावाला सुन प्रतितोला ७७ हजार ५ सय रुपैयाँ पुगेको छ ।

नेपाल सुनचाँदी व्यवसायी महासंघका अनुसार तेजावी सुन प्रतितोला ७७ हजार २ सय रुपैयाँमा किनबेच भइरहेको छ । त्यसैगरी चाँदी प्रतितोला ९ सय ९० रुपैयाँमा कारोबार भइरहेको छ ।

कोरोना भाइरसको सन्त्रासका कारण अन्तर्राष्ट्रिय बजारमा आर्थिक मन्दी शुरु भइ शेयर मार्केटमा उतार चढाव आउँदा सुनको मूल्यमा पनि घट बढ हुने क्रम चलिरहेको विज्ञहरुको विश्लेषण छ ।

यसैगरी अन्तर्राष्ट्रिय बजारमा डलर मजबुत हुनु र भारतीय मुद्रा पनि कमजोर बन्दा आन्तरिक बजारमा सुनको भाउ स्थिर बन्न सकिरहेको छैन् ।