December 28, 2021
नेकपा एस र नेकपा जनवादीबीच एकताको घोषणा सम्पन्न
काठमाडौं-नेकपा एकीकृत समाजवादी र नेकपा जनवादी पार्टीबीच एकताको घोषणा सम्पन्न भएको छ ।
आज (मंगलबार) राष्ट्रिय सभागृह प्रदर्शनीमार्ग, भृकुटीमण्डपमा दुई पार्टीबीच एकताको घोषणा सम्पन्न भएको हो ।
एकता घोषणा कार्यक्रममा एकीकृत समाजवादीका अध्यक्ष माधव नेपालसहित दुवै पार्टीका शीर्ष नेताहरू उपस्थिती रहेको थियो ।
नेकपा जनवादी २०६२ सालमा तत्कालीन सशस्त्र द्वन्द्वमा रहेको माओवादीबाट विद्रोह गरेको घटक हो । यसको नेतृत्वमा देवेन्द्रसिंह महता थिए ।
साविक नेकपाको दर्तालाई २३ फागुन २०७७ मा सर्वोच्च अदालतले खारेज गरिदिएपछि एमाले र माओवादी केन्द्र अलग अलग भए ।
आन्तरिक किचलोका कारण अन्ततः एमाले विभाजन भएर नेता नेपालले नेकपा ९एकीकृत समाजवादी० पार्टी गठन गरेका थिए ।
एकीकृत समाजवादीलाई ९ भदौमा निर्वाचन आयोगले दलको मान्यता दिएको थियो ।
नयाँ दल दर्ता गरेको पाँच महिनापछि नेपाल वामपन्थी पार्टीबीच एकता अभियानमा लागेका छन् ।
केही दिनअघि उनले १३ पुसमा विभिन्न दलबीच एकता हुने घाेषणा गरेका थिए ।
नेकपा एस र नेकपा जनवादीबीच एकताको घोषणा सम्पन्न
प्रकाशित मिति:December 28, 2021
