March 27, 2022
स्थानीय तह निर्वाचनका सन्दर्भमा काँग्रेस केन्द्रीय समिति बैठकमा छलफल जारी रहेको छ ।
शुक्रबारबाट सुरु भएको केन्द्रीय समिति बैठकमा आइतबार पनि छलफलको क्रम जारी रहेको हो ।
आइतबार दिउँसो बसेको बैठकले घरघर जाऔं काँग्रेस जिताऔँ अभियानबाट फर्किएका प्रतिनिधिले बिफ्रिङ गरिरहेका छन् ।
शुक्रबार २० जना प्रतिनिधिले आफू खटेको जिल्लाको वस्तुस्थितिबारे बिफ्रिङ गरेका थिए ।
सोही दिन ६ वटा प्रदेश सभापति र गण्डकी प्रदेशका मुख्यमन्त्री कृष्णचन्द्र नेपाली पोखरेलले बैठकमा धारणा राखेका थिए ।
आसन्न स्थानीय तह निर्वाचनमा गठबन्धन गर्दा केन्द्रीय तहबाटै गर्ने कि स्थानीय तहको आवश्यकताअनुसार गर्ने भन्ने विषयमा छलफल केन्द्रित छ ।
अधिकांश केन्द्रीय प्रतिनिधिले स्थानीय आवश्यकता अनुसार गठबन्धन गर्नुपर्ने पक्षमा राय राखेको पाएको छ ।
बैठकमा चुनावी गठबन्धन र घोषणापत्रबारे छलफल भइरहेको प्रवक्ता प्रकाशशरण महतले बताए ।
यस्तै स्थानीय तहका उम्मेदवार छनोटका लागि संसदीय बोर्ड गठन गर्ने बैठकको एजेण्डा छ ।
महामन्त्री गगन थापा नेतृत्वको ‘स्थानीय तह निर्वाचन-२०७९, घोषणापत्र तयारी समिति’लाई पूर्णता दिइनेछ ।
प्रकाशित मिति:March 27, 2022
May 21, 2024
