शुक्रबार कोरोना संक्रमितको संख्या बिहीबारको तुलनामा केहि कम

शुक्रबार कोरोना संक्रमितको संख्या बिहीबारको तुलनामा केहि कम भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५७७ जनामा संक्रमण पुष्टि भएको छ । यो संख्या बिहीबारको तुलनामा १३३ जनाले थोरै हो ।
२४ घण्टामा भएको कुल चार हजार २८२ नमुना परीक्षणमा सो संख्यामा संक्रमण पाइएको हो । जसमध्ये दुई हजार ४७४ पीसीआर परीक्षणबाट ३९१ जना र एक हजार ८०८ एन्टिजेन परीक्षबाट १८६ जनामा संक्रमण देखिएको मन्त्रालयले जनाएको छ ।

शुक्रबार थपिएका संक्रमितमध्ये काठमाडौंका २१२ जना, ललितपुरका ५४ जना र भक्तपुरका १४ जना रहेको मन्त्रालयले जारी गरेको तथ्यांकमा छ ।