पाँच दलीय गठबन्धनमा १५ सिट पाए जसपा

काठमाडौँ । सत्तारुढ पाँच दलीय गठबन्धनमा सिट बाँडफाँटमा करिब सहमति भएसँगै चुनावी माहोल थप तातिएको छ ।

गठबन्धनमा भएको सहमतिअनुसार जनता समाजवादी पार्टी (जसपा)१५ सिट पाउने भएको नेताहरूको भनाइ छ । यद्यपि यसबारे अन्तिम निर्णय हुन अझै बाँकी रहेको जसपाका नेता मनिष सुमनको भनाइ छ । गठबन्धनमा भएको सहमतिअनुसार क्षेत्र पाएका नेताहरू खुसी देखिन्छन् भने क्षेत्र नपाएकाहरू निराश देखिन्छन् ।

नेताहरूका अनुसार जसपाले मधेसमा मात्र ११ वटा क्षेत्र पाएको छ । जबकि जसपाले २० वटा सिटको दाबी गरेको थियो । जसपाले २०७४ को प्रतिनिधिसभा चुनावमा ९ वटा सिट मधेसमा जितेको थियो । प्रदेश १ मा एउटा, लुम्बिनी प्रदेशमा दुई वटा र बागमती प्रदेशमा एउटा सिट जसपाले पाएको छ ।