सन्दीप लामिछानेको म्याद आज तेश्रो पटक थपिने

काठमाडौं । क्रिकेटर सन्दीप लामिछानेको बलात्कार प्रकरणमा अनुसन्धानको लागि प्रहरीले आज तेश्रो पटक म्याद थप गर्ने तयारी गरेको छ । महानगरीय प्रहरी बृत्त गौशालाको टोलीले आज म्याद थपको लागि लामिछानेलाई काठमाडौं जिल्ला अदालतमा उपस्थित गराउन लागेको हो । 

गएको भदौ २१ गते एक किशोरीले लामिछानेबाट आफू भदौ ५ गते बलात्कृत भएको भन्दै उजुरी दिए पछि असोज २० गते उनलाई प्रहरीले त्रिभुवन विमानस्थलबाट पक्राउ गरेको थियो । 

पछिल्लो पटक २७ असोजमा अदालतले पाँच दिन थुनामा राखेर अनुसन्धान गर्न प्रहरीलाई अनुमति दिएको थियो ।

लामिछानेमाथि १७ वर्षीया किशोरीले बलात्कार आरोपमा जाहेरी दिएपछि क्याप्टेनबाट निलम्बनमा परेका थिए, भने प्रहरीले पक्राउ गरेको थियो । उनी दसैँको भोलिपल्ट नेपाल आएका थिए । उनलाई प्रहरीले विमानस्थलबाटै पक्राउ गरेको थियो ।