महोत्तरी घटनाको अनुसन्धान सम्बन्धित निकायबाट जारी : एनएमबी बैंक

काठमाडौँ । महोत्तरी जिल्लाको नेपाल भारत सिमाना नजिक रहेको महोत्तरी गाउँपालिकास्थित एनएमबी बैंक लिमिटेडको शाखा कार्यालयमा मंगलबार करिव १२ः२५ को समयमा ३–४ जनाको समूहमा रहेका अपरिचित बन्दुकधारी ब्यक्तिहरु प्रवेश गरी शाखा कार्यालयमा रहेको नगद लुटिएको र उक्त घटनामा संलग्न ब्यक्तिलाई आवश्यक कानूनी कारबाही गर्नको लागि बैंकद्धारा सम्बन्धित निकायमा अनुरोध भइसकेको बैंकले जनाएको छ । सो घटनाको अनुसन्धान सम्बन्धित निकायबाट भइरहेको र उक्त घटनामा कसैलाई पनि कुनै गम्भीर चोटपटक नलागेको बैंकद्वारा जारी विज्ञप्तिमा उल्लेख छ । अनुसन्धान पश्चात प्राप्त हुने थप विवरणको जानकारी पछि गरार्ईने बैंकले जानकारी दिएको छ । (माधव अधिकारी)