June 27, 2023
चिनियाँ अर्बपति व्यापारी ज्याक मा काठमाडौं आएका छन् । उनी मंगलबार दिउँसो काठमाडौं आइपुगेका हुन् ।
हङकङ बिजनेस एभिएसनको जहाज चार्टर्ड गरी ज्याक मा काठमाडौं आएका हुन् । ज्याक मासँग उनीसहित सात जनाको टोली रहेको बताइएको छ । काठमाडौं आएपछि उनी नक्सालस्थित मेरियट होटलमा पुगेका छन् ।
ज्याक मा अलिबाबा ग्रुपका संस्थापक हुन् । चीनबाट बंगलादेश हुँदै उनी नेपाल आएका हुन् ।
उनी सेप्टेम्बर १०, १९६४ मा झेजियांग प्रान्तको हांग्जोमा जन्मिएका हुन् । व्यावसायिक रूपमा उनी ज्याक मा को नामबाट प्रसिद्ध छन् । उनी अलिबाबा समूहका संस्थापक तथा कार्यकारी अध्यक्ष हुन् । उनी विश्वचर्चित पत्रिका फोर्ब्सको आवरण कथा छापिने पहिलो चिनियाँ उद्यमी पनि हुन् ।
प्रकाशित मिति:June 27, 2023
