February 28, 2024
काठमाडाैं । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले नेपालमा निजामति कर्मचारीलाई कामप्रति जिम्मेवार बनाउने प्रणाली नै नभएका बताएका छन् । कामप्रति जिम्वेवार बनाउने प्रणााली नबन्दा निजामती कर्मचारीलाई काम नगर्न पनि छुट रहेको उनले बताए ।
मंगलबार प्रतिनिधि सभाको सार्वजनिक लेखा समितिमा सांसदहरुले कर्मचारीहरूमा काम गर्न अग्रसर नहुने प्रवृत्ति देखा परेको भन्दै अख्तियार प्रमुखको धारणा मागेका थिए । जवाफमा उनले सो कुरा बताएका हुन् । आयुक्त राईले कर्मचारी नियुक्ति प्रक्रिया, प्रचलित ऐन कानुन, दण्ड सजायको व्यवस्था र ट्रेड युनियन लगायतका विषय उठाउँदै कर्मचारीलाई कामप्रति जिम्मेवार बनाउने प्रणाली नै नरहेको जनाए ।
उनले कर्मचारीले काम नगरे पनि कारबाही भोग्नुपर्ने व्यवस्था नरहेको उल्लेख गर् । ‘कामै नगरे पनि त्यो मान्छेलाई केही हुँदैन, कुनै कारबाही नै हुँदैन त किन काम गर्ने ?’ उनी प्रश्न गर्छन्, ‘यस्तो किन भयो, किनकि हामीले निजामती सेवा ऐनदेखि नियम कानुनहरूमा छुट दियौँ ।’
प्रकाशित मिति:February 28, 2024
