सशस्त्र प्रहरी बलका १६ जना डिआइजी र १८ एसएसपीको सरुवा

काठमाडौं। सशस्त्र प्रहरी बलका १६ जना प्रहरी नायव महानिरीक्षक (डिआइजी) र १८ जना वरिष्ठ उपरिक्षक (एसएसपी)हरुको सरुवा भएको छ। उपप्रधान एवं गृहमन्त्री रवि लामिछानेले डीआईजी र एसएसपीहरुको सरुवा गरेका हुन्।

डिआइजी सरुवामा तीन बाहिनीका प्रमुख फेरिएका छन् । कोशीमा बंशी सुवेदी, उपत्यकाका किशोर प्रधान र मधेसको बाहिनीमा कालीदास धौबजीको सरुवा भएको छ । त्यस्तै, प्रहरी एकेडेमीमा कमल गिरी तथा स्टाफ कलेजमा अञ्जनीकुमार पोखरेलको सरुवा भएको छ ।

त्यस्तै, १८ एसएसपीको सरुवा हुँदा केही तालिम केन्द्रका प्रमुखहरू फेरिएका छन् । ककनी तालिम केन्द्रमा राजेन्द्र खड्का तथा कुरिनटारमा माधव प्रसाद पौडेलको सरुवा भएको छ । सुधीरजंग थाापाको लामापाटन, रवीनराज कर्णजीतको मनाङस्थित पर्वतीय उद्दार शिक्षालयमा सरुवा भएको छ ।