October 30, 2021
नेकपा (एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपालले आफ्नो पार्टीमा मेचीदेखि महाकालीसम्म जनलहर देखिएको बताएका छन्।
आज बिहान सञ्चारकर्मीसँग विराटनगर विमानस्थलमा संक्षिप्त कुराकानीको क्रममा उनले नेकपा (एकीकृत समाजवादी)मा जनलहर देखिएको बताएका हुन् ।
एक फरक प्रसंगमा उनले वर्तमान पाँच दलीय गठबन्धन काँचो धागोले बाँधेको नभएको बताएका छन्।
उनले भने “वर्तमान गठबन्धन काँचो धागोले बाँधेको नभएकाले गठबन्धन मजबुत छ”।
न्यायपालिकावारे सञ्चारकर्मीको प्रस्नमा उनले प्रधानन्यायाधीश चोलेन्द्रशमसेर जबरालाई महाअभियोग लगाउने विषयमा कुनै छलफल नभएको बताए।
उनले प्रदेश नं १ मा छिट्टै मुख्यमन्त्री भीम आचार्यको बहिगर्मन हुने जनाए ।
प्रदेश नं १ का नेकपा एकीकृत समाजवादी पार्टीका संसदीय दलका नेता राजेन्द्रकुमार राईको नेतृत्वमा सरकार बन्ने भनाइ राख्दै उनले अघिल्लो सरकारले सङ्घीयता, राष्ट्रियता र लोकतन्त्रलाई कमजोर बनाउने काम गरेको आरोप लगाए।
प्रकाशित मिति:October 30, 2021
