March 17, 2020
काठमाडौं । पोर्चुगलमा एक नेपालीलाई कोरोना भाइरस संक्रमण भएको पाइएको छ । पोर्चुगलको फारो नगरपालिकास्थित कृषि क्षेत्रमा काम गर्ने नेपालीमा कोरोना संक्रमण भएको पाइएको हो ।
प्रारम्भमा नेपालीमा देखिएको संक्रमण त्यहाँका अन्य मानिसमा पनि फैलिएको त्यहाँका मेयर रोगेरियो बाकल्हउले बताएका छन् ।
पोर्चुगल सरकारले कोरोना संक्रमित ती नेपालीको पहिचान भएपनि गोप्य राखेको छ । त्यस्तै, ती बिरामीको सम्पर्कमा पुगेका व्यक्तिबारे पनि कुनै जानकारी दिइएको छैन् । विदेशमा रहेका नेपालीमा कोरोना भेटिएको यो तेश्रो घटना हो । टाइम २४ डट न्युज अनलाइनमा समाचार छ ।
यसअघि अस्ट्रेलियामा १ र यूएईमा २ नेपालीमा कोरोना संक्रमण पुष्टि भएको थियो । अहिले यी तीनै जनाको उपचार भइरहेको छ ।
प्रकाशित मिति:March 17, 2020
