March 22, 2022
रौतहटका मेयर विरुद्ध भ्रष्टाचार मुद्दा
काठमाडौँ-अख्तियार दुरुपयोग अनुसन्धान आयोगले रौतहटका मेयर विरुद्ध भ्रष्टाचार मुद्दा दायर गरेको छ ।
आयोगले देवाही गोनाही नगरपालिकाका मेयर धर्मेन्द्रप्रसाद पटेलविरुद्ध भ्रष्टाचार मुद्दा दायर गरेको हो ।
भवन निर्माण सम्पन्न पश्चात् अन्तिम बिल भुक्तानी दिने क्रममा ५ लाख घुस लिएको दाबी आयोगले गरेको छ ।
आयोगले मेयर धर्मेन्द्रप्रसाद पटेलले उपभोक्ता समितिबाट ५ लाख घुस लिएको अभियोग सहित विशेष अदालतमा भ्रष्टाचार मुद्दा दायर गरेको हो ।
१५ फागुनमा मेयर धर्मेन्द्रप्रसाद पटेल र उनका सहयोगी अशोकप्रसाद पटेललाई अख्तियारको टोलीले दुई लाख रुपैयाँ नगद र दुई लाख रुपैयाँको चेकसहित पक्राउ गरेको थियो ।
अख्तियारले दुवै जनालाई ५ लाख रुपैयाँ बिगो दाबी गर्दै भ्रष्टाचार मुद्दा दायर गरेको प्रवक्ता श्यामप्रसाद भण्डारीले पुष्टी गरेका छन् ।
स्थानीय तहका प्रमुख घुससहित पक्राउ परेको र उनी विरुद्ध मुद्दा चलेको यो पहिलो पटक भएको प्रवक्ता भण्डारीले जानकारी दिए ।
रौतहटका मेयर विरुद्ध भ्रष्टाचार मुद्दा
प्रकाशित मिति:March 22, 2022
