July 31, 2022
काठमाडौँ । नेकपा माओवादी केन्द्रको पार्टी कार्यालय पेरिसडाँडामा आज (आइतबार) दिउँसो ३ बजे बस्ने भनिएको स्थायी कमिटीको बैठक स्थगित भएको हो ।
पदाधिकारी चयन र पोलिट ब्युरोबारे छलफल गर्ने गरी स्थायी समितिको बैठक बोलाइएका थिए ।
आज स्थगित बैठक साउन २५ गते बस्ने तय गरिएको पार्टी प्रवक्ता कृष्णबहादुर महराले जानकारी दिए ।
यसअघि शुक्रबार बसेको स्थायी कमिटी बैठकले प्रदेश बैठकका सेड्यूल हेरफेर गरेको थियो ।
पार्टी अध्यक्ष पुष्पकमल दाहाल ‘प्रचण्ड’ जापान जाने भएपछि माओवादीका पूर्वनिर्धारित प्रदेश बैठक प्रभावित भएको हो ।
प्रकाशित मिति:July 31, 2022
