सुन चाँदीको मूल्यमा सामान्य गिरावट

काठमाडौँ। नेपाली बजारमा सुनको मूल्य सोमबार पाँच सय रुपैयाँले घटेको छ। आइतबार अहिलेसम्मकै महँगो मूल्यमा कारोबार भएको सुन केही सस्तिएको हो।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख १६ हजार पाँच सय रुपियाँमा कारोबार भइरहेको छ।

आइतबार छापावालको सुनको मूल्य प्रतितोला एक लाख १७ हजार थियो। त्यस्तै, आज तेजाबी सुनको मूल्य प्रतितोला एक लाख १५ हजार नौं सय ५० कायम भएको छ।

हिजो तेजाबी सुन प्रतितोला एक लाख १६ हजार चार सय ५० रुपैयाँमो कारोबार भएको थियो। त्यस्तै आज चाँदीको मूल्य प्रतितोला एक हजार चार सय १० तोकिएको छ। आइतबारको तुलनामा चाँदी पाँच रूपैयाँले सस्तो भएको नेपाल सुनचाँदी व्यवसायी महासंघले जनाएको छ।