प्रधानाध्यापकको हत्या आरोपमा थप तीन जना पक्राउ

बारा- बाराको कलैया उपमहानगरपालिकामा सोमबार दिउँसो गोली हानी विद्यालयका प्रधानाध्यापकको हत्या गरेको आरोपमा तीन जना शंकास्पद व्यक्ति पक्राउ परेका छन् ।

पक्राउ पर्नेहरूको परिचय खुलाइएको छैन । कलैया उपमहानगरपालिका वडा नम्बर–६ स्थित बाल एकता बोर्डिङ स्कुलका प्रधानाध्यापक रूपेश स्वर्णकारको सोमबार दिउँसो गोली हानेर हत्या भएको थियो ।

गोली लागेर घाइते उनलाई प्रारम्भमा कलैयाकै प्रादेशिक अस्पतालमा प्राथमिक उपचार छि थप उपचारका लागि वीरगन्जस्थित नेपाल मेडिसिटी वयोधा हस्पिटल लगिएकाे थियो । उपचारकै क्रममा उनको मृत्यु भएको हो ।

सरल र शान्त स्वभावका उनीमाथि दुई वटा मोटरसाइकलमा आएका चार जना अपरिचित व्यक्तिले गोली प्रहार गरेको प्रत्यक्षदर्शीले बताएका छन् ।

प्रहरीले घटनामा पेशेवर सुटरहरुको प्रयोग गरिएको हुनसक्ने आशंका गरेको छ । प्रहरीले घटनामा थप अनुसन्धान गरिरहेको छ ।