बोलेरोको ठक्करबाट मोटरसाइकल चालकको मृत्यु

मकवानपुर । धरानचतरा सडकखण्ड अन्तर्गत हेटौंडा उपमहानगरपालिका वडा नम्वर १७ कठायतचोकमा सोमबार सवारी दुर्घटनामा परी गम्भीर घाइते भएका एक जनाको उपचारको क्रममा मृत्यु भएको छ ।

बोलेरो गाडीको ठक्करबाट बा ४४ प ३८०२ नम्वरको मोटरसाइकलमा सवार एक जनाको मृत्यु भएको हो । सोमबार राति सडकखण्डको ठुलोदमारतर्फबाट हटियातर्फ आउँदै गरेको ना ५ च २९९ नम्बरको खालि बोलेरो पिकअप गाडिले सडकको छेउमा रोकि बा ४४ प ३८०२ नम्बरको मोटरसाइकललाई ठक्कर दिँदा मोटरसाइकलमा रहेका चालक पर्सा वीरगंज १ बस्ने ३१ बर्षीय धर्मेन्द्रराम थारूको गम्भीर घाइते भएका थिए ।

घाइते थारुको उपचारको क्रममा हेटौडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ । बोलेरो प्रहरीको नियन्त्रणमा रहेको भएतापनि चालक फरार रहेको र खोजी कार्य भइरहेको प्रहरीले जनाएको छ।