Month: February 2022

सिन्धुली । एसईईमा कम नम्बर दिएको भन्दै अविभावककै नेतृत्वमा विद्यार्थीले शिक्षक माथि आक्रमण गरेका छन । आइतबार सुनकोसी गाउँपालिका–७ मझुवामा रहेको गणेश माविका प्रधानाध्यापक नेत्रबहादुर सुनुवार र अंग्रेजी शिक्षक चित्रबहादुर भण्डारीलाई विद्यार्थीहरुले कुटपिट गरेका हुन् ।

उक्त विद्यालयका एसईईका १ छात्रा र ५ छात्र गरि ६ जना विद्यार्थीहरुले कार्यालयमै प्रधानाध्यापक सुनुवारलाई मुखमा मुक्काले हिर्काएको र अर्का शिक्षक भण्डारीलाई लछारपछार गरेका छन् । जसको नेतृत्व अविभावक मंगले स्वाङवाले गरेका थिए ।

विद्यार्थीहरुको कुटपिटबाट प्रधानाध्यापक सुनुवारको मुखमा चोट लागेको छ । अर्का शिक्षक भण्डारीको जिउमा निलडाम छ । रिजल्टमा सी ग्रेड आएको र रोजेको विषय पढ्न नपाएको भन्दै कुटपिट गरेको शिक्षक दाहालले बताए । घाइते दुवैजनाको स्थानीय स्वास्थ्य चौकीमा उपचार गरिएको छ । उनीहरुको अवस्था सामान्य रहेको बताईएको छ । विद्यार्थीहरुले शिक्षकलाई कुटपिट गरेपछि विद्यालयका शिक्षक कर्मचारीहरुको बैठकले सुरक्षाको माग गर्दै अनिश्चितकालीन विद्यालय बन्द गरेका छन् ।

विद्यालयबाट ६० जना एसईईमा सहभागीमध्ये ९ जनाको रिजल्ट सी आएको र तीनै मध्येका तीनजनाले कुटपिट गरेको बताईएको छ । घटनाको बारेमा जिल्ला प्रहरी कार्यालय सिन्धुलीमा मौखिक जानकारी आएको तर उजुरी नआएको डिएसपी श्याम बहादुर खत्रीले बताएका छन ।

शिक्षकहरु कुटिएपछि घटनाको सामाजिक सञ्जाल तथा शिक्षकका संघसंगठनहरुले विरोध जनाएका छन । घटना निन्दनीय भएको र दोषीलाई कारवाहि गरिनुपर्ने भन्दै जिल्लाका शिक्षकहरुले विरोध जनाएका छन ।

प्रधानध्यापक सुनुवार नेपाल शिक्षक महासंघ सिन्धुलीका सहसचिव तथा नेपाल राष्ट्रिय शिक्षक संगठन सिन्धुलीका आजिवन सदस्य हुन भने भण्डारी नेपाल राष्ट्रिय शिक्षक संगठन, सिन्धुलीका सदस्य तथा शिक्षक हित बचत तथा ऋण सहकारी संस्था लिमिटेडका सदस्य हुन् ।

काठमाडौँ । सरकारले भदौ मसान्तसम्म लामो र छोटो दुरीका सवारीसाधन सञ्चालन नगर्ने निर्णय गरेको छ।

मन्त्रिपरिषदको आइतबारको बैठकले लामो तथा छोटो दुरीका सवारीसाधन भदौ मसान्त सञ्चालन नगर्ने निर्णय गरेको हो , यद्यपी मसान्त देखि पनि अवस्था हेरेर निर्णयमा पुग्ने निष्कर्ष पनि निकालेको हो।

भदौ मसान्तसम्म सवारीसाधन नचलाउने निर्णय यथावत छ। यसअघि सरकारले भदौ १६ गतेदेखि लामो तथा छोटो दुरीका सवारीसाधन चलाउने निर्णय गरेको थियो।

कोरोना संक्रमण बढ्दै गएकाले काठमाडौं उपत्यकासहित देशका अधिकांश शहरमा निषेधाज्ञा जारी गरिएको छ।

लकडाउन शुरु भएको साढे ३ महिनापछि सरकारले गत असार २६ गतेदेखि छोटो दुरीका सवारीसाधन सञ्चालन गर्ने निर्णय गरेको थियो।

यद्यपि, आफ्ना माग सम्बोधन नभएको यातायात व्यवसायीले तत्काल सेवा सञ्चालन गर्न अस्वीकार गरेका थिए।

माग सम्बोधन भएपछि उनीहरूले साउन ७ गतेदेखि यातायात सञ्चालन गर्न सहमति गरेका थिए। सरकारले लामो दुरीका सवारी सञ्चालनमा भदौ १ गतेसम्म रोक लगाएको थियो।

साउन ६ गते लकडाउन अन्त्य भयो। तर, लकडाउनपछि काठमाडौंसहित देशभर कोरोना संक्रमित बढे। सरकारले लामो दुरीका सवारीसाधन भदौ १५ गतेसम्म रोक लगाएको थियो।

काठमाडौँ । नेपालको सबैभन्दा विश्वासिलो र बृहत् एजेन्ट सञ्जाल भएको आइएमईले कोरोनाभाइरसले सिर्जना गरेको विषम परिस्थितिकाबीचमा पनि विदेशबाट पठाएको रकम प्राप्त गर्न आफूसँग आवद्ध सम्पूर्ण व्यवसायीक साझेदार (एजेन्ट पार्टनर) प्रत्यक्ष सहभागितामा आफ्नो डिजिटल वालेट सुविधा आइएमई पे मोबाइल वालेट एपलाई पनि सशक्त बनाई रेमिटेन्सको सुविधा सिधै वालेटमा प्राप्त गर्ने प्रावधान सुचारू गरेको छ ।

नयाँ सुविधा अन्तर्गत आफुलाई स्वदेश वा विदेशबाट आएको रकम प्राप्त गर्नका लागि आइएमई पे वालेटको ‘रेमिटेन्स’ आइकनमा क्लिक गर्नुपर्दछ । त्यसपछि पैसा पठाएको ठाउँको नाम, मनी ट्रान्सफर कन्ट्रोल नम्बर र आएको रकम सुनिश्चित गरी सम्बन्धित फिल्डमा स्पष्टसँग भर्नुपर्दछ । प्रकृया अनुसार आफ्नो वालेट पीन दाखिला गरी तपाईंको रकमको अवस्था एकिन गर्न सक्नुहुनेछ । यदि तपाईंलाई पठाएको रकम आइएमई पे एपमा नै प्राप्त गर्नुपर्ने भएको खण्डमा ‘रिसिभ’ बटम थिची आफ्नै वालेटमा प्राप्त गर्नु सक्नुहुनेछ । त्यसका अतिरिक्त ‘नियर बाइ एजेन्ट’ मा थिची आफुँलाई पायक पर्ने आइएमई काउन्टर भ्रमण गरी आफ्नो पैसा प्राप्त गर्न सक्नुहुनेछ । यी सवै सुविधा प्राप्त गर्नका लागि आइएमई पे एप डाउनलोड हुनुका साथै केवासी अध्यावधिक भएको हुनुपर्दछ । यस सम्बन्धि पूर्ण जानकारीका लागि कृपया यो लिंक क्लिक गर्नुहोस् ।

आइएमईले आइएमई पे मोबाइल वालेट एपबाट नेपालभित्र रहेका नेपालीलाई आफ्नो घर, आफ्नै कोठाबाट नै रेमिटेन्सको रकम प्राप्त गर्ने सुविधा दिँदै आइरहेको छ । सो रकम यसरी आफ्नो मोबाइल वालेटमा रहँदासम्म उक्त रकमको ब्याज र रू. ५० सम्मको बोनस पनि प्राप्त हुन्छ ।
भौतिक दूरी कायम गरी समुदायस्तरमा कोभिड– १९ रोग नफैल्ययाउन हाल सबैको जिम्मेवारी भएको छ । यस्तो बेलामा रकम त आवश्यक पर्छ नै, तर त्यसलाई कसरी प्राप्त गर्ने भन्ने ठूलो मर्का सेवाग्राहीहरूलाई अवश्य पनि पर्न जान्छ । यस्तो विषम परिस्थितिमा आइएमईका व्यवसायीक साझेदार (एजेन्ट पार्टनरहरू) ले आइएमई पे वालेटको मद्दतले घरैमा रेमिटेन्स सेवा उपलब्ध गराउनु हुनेछ ।
परिस्थिति सामान्य हुँदै गएको खण्डमा आफ्नो मोबाइल वालेटबाट पैसा सजिलै झिक्न पनि सकिन्छ । रकम लिँदै आएको एजेन्ट कहाँ गई सजिलै नगद् लिन सकिन्छ । आइएमई पेमा भएको रकमलाई आफ्नो बैंक खाता वा अन्य कसैको बैंक खातामा पनि पठाउन सकिन्छ ।
यसरी डिजिटल प्रणालीबाट विदेशबाट आएको रकम सुरक्षित रूपमा आफ्नै मोबाइलमा प्राप्त गर्न सकिने प्रावधान प्रदान गर्ने आइएमई पहिलो र सबैभन्दा सुरक्षित माध्यम पनि हो ।
आफ्नो स्थापना देखि नैे रेमिटेन्स सेवालाई प्रत्येक नेपालीको पहुँचसम्म पु¥याउन प्रतिबद्व यस कम्पनीले सेवा शुभारम्भको २०औँ वर्षसम्ममा नेपालका शहरी तथा ग्रामिण क्षेत्रलाई समेट्ने गरी २ सय २५ आइएमई सेन्टर सहित ७७ जिल्लाका करिव १२ हजार सव एजेन्ट र बैंक तथा वित्तीय संस्थाका शाखामार्फत् विदेशमा कार्यरत नेपालीहरुले दःु ख गरि कमाएको रकम देशका विभिन्न भूगोलमा रहेका आफन्तको हातमा छिटो, छरितो, विश्वसनीय र सुरक्षित तवरबाट वितरण गर्दै आईरहेको छ । करिव १० लाखको संख्यामा डाउनलोड भएको आइएमई पे मोबाइल एपबाट पनि अव सजिलैसँग रेमिटेन्स सेवा प्राप्त गर्न सकिने व्यवस्था मिलाइएको छ ।

काठमाडौँ । नेपालमा कोरोना संक्रमण आज १४ जनाको मृत्यु भएको छ। स्वास्थ्य तथा जनसंख्या मन्त्रालयका अनुसार आज देशभर १४ जनाको मृत्यु भएको हो।

स्वास्थ्य मन्त्रालयको नियमित प्रेस सम्मेलनमा बोल्दै मन्त्रालयका प्रवक्ता डा जागेश्वर गौतमले पछिल्लो २४ घण्टामा १४ जनाको कोरोनाबाट मृत्यु भएको जानकारी दिए। आज मृत्यु हुनेमा ४ जना महिला र १० पुरुष रहेका छन्।

यससँगै नेपालमा कोरोनाबाट ज्यान गुमाउनेको संख्या २२१ पुगेको छ।

देशका विभिन्न प्रयोगशालामा गरिएको परीक्षणका क्रममा थप १ हजार २ सय २१ संक्रमित थपिएसंगै नेपालमा कोरोना संक्रमितको संख्या ३८ हजार ५ सय ६१ जना पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।

मन्त्रालयका अनुसार आइतबार प्रदेश–१ को इलाममा १, ओखलढुंगामा ४, झापामा ११, पाँचथरमा १, मोरङमा ४९, संखुवासभामा २ र सुनसरीमा ३३ जनामा कोरोना संक्रमण पुष्टि भएको छ ।

यस्तै, प्रदेश–२ को धनुषाका ७५, पर्साका ४६, बाराका ८२, महोत्तरीका ३७, सप्तरीका ६, सर्लाहीका ३४ र सिरहाका २६ जना संक्रमित थपिएका छन् भने बागमती प्रदेशको काठमाडौंका ३७२, काभ्रेका २५, चितवनका ९०, धादिङमा ३, भक्तपुरका ४५, ललितपुरका १२, मकवानपुरका ९, रामेछापमा १, सिन्धुपाल्चोकका २ र सिन्धुलीमा ५ जनामा संक्रमण पुष्टि भएको मन्त्रालले जनाएको छ ।

गण्डकी प्रदेशमा गरिएको परीक्षणका क्रममा कास्कीका ५, गोरखामा ५, तनहुँमा ४, नवलपरासी पूर्वका २ र बाग्लुङमा ३ जनामा कोरोना पोजेटिभ देखिएको छ भने प्रदेश–५ को अर्घखाचीमा ३, कपिलवस्तुमा २५, गुल्मीमा ६, दाङमा ५, नलवपरासीमा २१, पाल्पामा ८, प्युठानमा ५, बर्दियामा ६, बाँकेमा १४ र रुपन्देहीमा ६१ जना संक्रमित भेटिएका छन् ।

यस्तै कर्णाली प्रदेशको सुर्खेतमा २, सुदूरपश्चिम प्रदेशको अछाम ८, कञ्चनपुरमा १, कैलालीमा ६, डोटीमा ११, दार्चुलामा २, बझाङमा ४७ जनामा कोराना पुष्टि भएको मन्त्रालयले नियमित मिडिया ब्रिफिङका क्रममा जनाएको छ ।

दाङ । दाङको तुलसीपुरस्थित राप्ती प्रादेशिक अस्पताल शनिबारदेखि बन्द भएको छ । अस्पतालमा कार्यरत दुई चिकित्सक, पाँच स्वास्थ्यकर्मी र दुई कार्यालय सहयोगीमा कोरोना सङ्क्रमण पुष्टि भएपछि अस्पताल बन्द गरिएका हो । अस्पतालको आपतकालीन बैठकले अर्को सूचना जारी नहुँदासम्म अस्पताल बन्द गरी ‘कन्ट्याक्ट टे«सिङ’ गरिने तुलसीपुर उपमहानगरपालिकाका कोभिड–१९ स्रोत व्यक्ति विमल केसीले बताए ।

उनका अनुसार अस्पतालमा रहेका सबै बिरामीको स्वाब सङ्कलन गरिने छ । योसँगै जिल्लामा शनिबार राप्ती स्वास्थ्य विज्ञान प्रतिष्ठानमा स्वाब परीक्षण गर्दा १९ जनामा कोरोना पुष्टि भएको हो । तीमध्ये घोराहीका १० जनामा कोरोना पुष्टि भएको हो ।

घोराही उपमहानगरपालिका वडा नं ८ का २५ वर्षका पुरुष, वडा नं १० का २५, ३०, ३२ वर्षका पुरुष र ३४ वर्षकी एक महिला, वडा नं ११ का ५३ वर्षीय पुरुष र वडा नं १५ का २०, ४२, ५४ र ५७ वर्षका पुरुष गरी १० जनामा कोरोना भाइरसको सङ्क्रमण पुष्टि भएको हो ।

ललितपुर। कोरोना संक्रमणबाट थप एकजनाको मृत्यु भएको छ । पाटन अस्पतालमा उपचार गराइरहेका २९ वर्षीय युवकको उपचारको क्रममा राति १० बजे मृत्यु भएको हो ।
उनी कोरोना संक्रमण देखिएपछि साउन २८ गतेदेखि पाटन अस्पताल भर्ना भएका थिए ।
स्वास्थ्य कार्यालयका अनुसार मृतक पुरुष ललितपुरका हुन् ।

कञ्चनपुर । कञ्चनपुरको महाकाली नगरपालिकामा उच्च ज्वरोका कारण छ जनाको मृत्यु भएपछि सुदूरपश्चिम प्रदेश स्वास्थ्य निर्देशनालयको टोली अनुसन्धानका लागि परिचालन भएको छ । शनिबार महाकाली नगरपालिका पुगेको निर्देशनालयको टोलीले मृतकका आफन्त र बिरामीको रगतको नमूना सङ्कलन गरी जाँचका लागि काठमाडौँस्थित प्रयोगशाला पठाएको छ ।

दुई साताको अवधिमै उच्च ज्वरोका कारण छ जनाको मृत्यु भएपछि टोली सङ्क्रामक रोगबारे अनुसन्धान गर्न महाकाली पुगेको हो । जापानीज इन्सेफ्लाइटिस वा मेनेन्जाइटिसको आशङ्कामा १० जनाको रगतको नमूना सङ्कलन गरी जाँचका लागि पठाइएको निर्देशनालयका भेक्टर कन्ट्रोलर हेमराज जोशीले बताए ।

“महामारीको सङ्केत छैन”, उनले भने, “रगतको नमूना जाँचपछि रोगबारे जानकारी हुनसक्छ ।” उच्च ज्वरो आएका तीन बिरामीको दोधारा प्राथमिक स्वास्थ्य केन्द्र र दुईको घरमै उपचार भइरहेको छ । स्वास्थ्य केन्द्रका डा. गगन चौधरीका अनुसार उच्च ज्वरोसँगै मौसमी ज्वरोका बिरामीको चाप बढेको छ ।

निर्देशनालयको टोलीमा निर्देशनालयका भेक्टर कन्ट्रोलर जोशी, स्वास्थ्य कार्यालय कञ्चनपुरका सिद्धराज जोशी र दुई जना दोधारा प्राथमिक स्वास्थ्य केन्द्रका स्वास्थ्यकर्मी रहेका छन् ।

काठमाडौँ । तत्कालिक अख्तियार दुरुपयोग अनुसन्धान आयोगको प्रमुख नवीन घिमिरेले भदौ २९ मा अवकास पाउँदैछन् । यो सँगै सरकारले नयाँ प्रमुखको तयारी गरिरहेको छ । आयोगमा हाल आयुक्त रहेका डा।जोशीलाई प्रमुख आयुक्त बनाउन सत्तारुढ नेकपाभित्र लगभग आन्तरीक सहमति जुटिसकेको छ ।

गत साता प्रमुख प्रतिपक्षी दल नेपाली कांग्रेसका सभापति शेरबहादुर देउवासँग पनि प्रधानमन्त्री केपी शर्मा ओली र नेकपाका अर्का अध्यक्ष पुष्पकमल दाहाल ‘प्रचण्ड’ले छलफल गरेका थिए । केही नाम टुंग्याएर छिट्टै नियुक्तिको तयारी भइरहेको स्रोत जनाएको छ ।

उनले प्रमुख आयुक्तको जिम्मेवारी पाएमा उनले चैतसम्म कार्यभार सम्हाल्नेछन् । त्यसपछि कसलाई प्रमुख आयुक्त बनाउने भन्ने विषय अहिले नै टुंगाउन लागिएको छ । अहिले जो सिनियर आयुक्तमा नियुक्त हुन्छ, त्यही व्यक्ति त्यसपछि प्रमुख आयुक्तमा नियुक्त हुने सम्भावना छ ।

पूर्व सचिव जोशी यसअघि तत्कालिन माओवादीको कोटामा आयोगमा नियुक्त भएका हुन् । प्रशासन सेवामा हुँदा कुनै दाग नलागेका उनी स्वच्छ छविका व्यक्ति भनेर चिनिन्छन् ।

त्यसका प्रमुख दाबेदार पूर्व गृहसचिव प्रेमकुमार राई हुन् । राई प्रशासन क्षेत्रका ईमानदार र परिणाम दिन सक्ने प्रशासकका रूपमा चिनिन्छन। उहाँलाई एक नम्बर आयुक्त बनाइए अबको प्रमुख आयुक्तको रूपमा राई लाई नै हेरिन थालिएको छ। अब नेकपाकै कोटाबाट आयुक्त हुने व्यक्ति प्रमुख आयुक्त हुनेछ । केही पूर्व प्रहरी समेत नियुक्तिका लागि दौडधुपमा छन् । प्रमुख आयुक्तले समेत अवकाश पाउने भएपछि आयोगमा अब तीन पद रिक्त हुनेछन् । एक पद प्रमुख प्रतिपक्षीको कोटामा र दुई पद सत्तारुढ दलबाटै नियुक्त हुनेछ ।

नेपाली कांग्रेसबाट हुने नियुक्तिको कोटामा भने पूर्व एआइजी जयबहादुर चन्द, पूर्व सहसचिव गणेश कार्की तथा पूर्व गुप्तचर प्रमुख दिलीप रेग्मीलगायत छन् ।